Suche
  • lieni24

Abstand EP

Yiauu es git widr mau paar News woni eigentlech scho lang hät söue Poste.

Aber ni so schlimm di meischte heis eh verpasst u ds ganze isch chli ungergange.

Drum ischs wichtig ds no chli z pushe u d Hingergrundgschicht z kenne. Im März hei ig u dr Raffi P agfange a üsem Zuekünftige Aubum z schaffe u ds no vorem Lockdown. Leider het üs aues chli us dr Bahn gworfe u es isch doch ni ganz es Aubum worde. Mir hei z beschte druss gmacht u druss isch us üsne Ouge würklech ä Klassiker entstande. Aues säuber produziert vom Raffi P u gmischt u gmasteret. Es isch so würklech ä Troum i erfüüuig gange für üs beidi u oh ä Bestätigung ds mr nach au denä Jahr immer no Loyal si u üs d Musig immr no so viu bedütet u chli liecht i di Dunkuheit bringt.


Mir hei würklech vo A-Z aues säuber gmacht zum erschte mau. Beats si rächt düschter ghaute aber sehr Musikalisch u rhytmisch abgstimmt. Es si sehr kritischi Tegschtä u isch eher weniger popig haut so eher klassische Rap bis ufe letscht Song wo so z sägä chli d erlüchtig bringt i däm mr z liecht aschaute. Oh wes nur es Digitals Release isch, isch üs ds ganze sehr wichtig gsy u mir si sogar üses Cover ga Shoote z Züri bim Yannis (Yung Eye) u hei dr eint Song(Vibe) no vom Dan Suter la mastere. Funfact isch ds mr üs während dr ganze Produktion niä gseh hei und würklech uf Abstand si gsy bis zum Covershoot im Juni.


Mir hei im nachhinein gseh ds mr Promo chli verkackt hei wöu mr im Summer d Motivation chli verlore hei u dür Corona eifach mau chli Abstand brucht hei vor Musig ds änderet aber nüt daran wi viu Härzbluet mir i ds Projekt investiert hei.

Drum Loset mau ine u gäbet denä 5 Zytlose Songs ä Chance.

Wes näch gfauht teilets mit dene Lüüt wo dir gärn heit u düets bi öiem Grosi i d Spotify Playlist so chöit dir üs am beschtä ungerstütze. Merci! :-)


Abstand EP

Link zu aune Plattformä/Streamingabieter:

https://lnk.site/abs


17 Ansichten0 Kommentare

Aktuelle Beiträge

Alle ansehen